Урлаг спорт
Никола Йокич дэлхийн аваргад тоглоно
Дэнвэр Наггетс багийн лидер 2019 оны Бүх NBA 1-р багт нэрлэгдсэн Никола Йокич энэ намар болох Сагсан бөмбөгийн ДАШТ-нд Сербийн шигшээ багаа төлөөлөн оролцохоор болсноо мэдэгдлээ.
“Би энэ улиралд маш их хичээж тоглосон, байгаа бүхнээ ч зориулж гайхалтай нэгэн улирлыг үдлээ. Бүх одод болж, Бүх NBA багт ч нэрлэгдлээ. Харин одоо Сербийн шигшээ багийнхаа хамтаар ДАШТ-нээс медаль хүртмээр байна. Энэ бол яг одоо өөрт тавиад буй зорилго.” хэмээн хэлсэн байна.
Никола Йокичийн хувьд шигшээ багийн хамтаар хоёр ч медалийг хүртэж байсан бөгөөд 2013 онд 19 нас хүртэлх насны ДАШТ-нд мөнгөн медаль, 2016 онд Риогийн Олимпод аваргын алтан медалийн төлөө тоглолтод АНУ-тай таарч 96:66 харьцаатай хожигдон мөн мөнгөн медалийг хүртэж байсан юм.
Энэ улиралд 80 тоглолтод оролцохдоо Никола Йокич 20.1 оноо 10.8 самбар 7.3 оновчтой дамжуулалт дунджилж 51.1%-тай довтолсон бол плэйоффт 14 тоглолтод 25.1 оноо 13.0 самбар 8.4 оновчтой дамжуулалт дунджилж 50.6%-тай довтлон 39.3%-тай холын зайнаас шиджээ. Мөн Дэнвэр Наггетс баг бүсийн шигшээ цувралд шалгарахад ганцхан хожил дутсан билээ.
2019 оны Сагсан бөмбөгийн ДАШТ БНХАУ-д 08 сарын 31-наас эхлэх хуваарьтай.
Урлаг спорт
“Дугуйтай Улаанбаатар-2025” өдөрлөг тавдугаар сарын 10-ны өдөр төв талбайд болно
Нийслэлийн иргэдийн дугуй унах соёл, хэрэглээг төлөвшүүлэх зорилгоор “Дугуйтай Улаанбаатар-2025” олон нийтийн өдөрлөгийг тавдугаар сарын 10-ны бямба гарагт 10:00-18:00 цагийн хооронд төв талбайд зохион байгуулна.
Жил бүр уламжлал болгон зохион байгуулах уг өдөрлөгийг НЗДТГ, нийслэлийн Биеийн тамир, спортын газар болон Монголын дугуйн холбоо хамтран зохион байгуулж байна.
Мөн уг өдөрлөгөөр дугуйн клубуудын танилцуулга, дугуй, дугуйн дагалдах хэрэгслийн дэлгүүрүүдийн худалдаа, засвар үйлчилгээ, банкуудын ногоон зээлийн танилцуулга, дугуй сонирхогчдын дунд чөлөөт худалдаа болно.
Түүнчлэн баланс байк хүүхдийн дугуйн тэмцээнийг хоёр ангилалд, засмал замын дугуйн тэмцээнийг долоон ангилалд зохион байгуулна. Баланс байк хүүхдийн дугуйн төрөлд бага нас 4-5 нас /эрэгтэй, эмэгтэй/ ангилалд тус бүр 200 метр уралдана. Засмал замын дугуйн төрөлд элит /эмэгтэй, эрэгтэй/, өсвөр үе /эмэгтэй, эрэгтэй/, сонирхогч /эмэгтэй, эрэгтэй/, мастер эрэгтэй ангилалд тус тус өрсөлдөж, шилдгүүдийг шалгаруулна. Засмал замын дугуйн төрөлд өрсөлдөж буй нийт тамирчин, дугуйчид 30 км, 40 км зайд тус бүр 20 тойрог өрсөлдөх юм.
“Дугуйтай Улаанбаатар-2025” олон нийтийн өдөрлөг нь төрөөс баримталж буй нийтийн биеийн тамир, спортыг хөгжүүлэх, иргэдэд эрүүл, зөв амьдралыг хэвшүүлэхэд бүх нийтийн оролцоог нэмэгдүүлж, дугуй унахыг бүх нийтийн спорт болгох, хүүхэд, залуучуудыг дугуйн спортоор сонирхон хичээллэхэд түлхэц болох, шинэ залуу залгамж үеийн тамирчдыг бэлтгэн гаргахад чухал ач холбогдолтой.
Урлаг спорт
Уран нислэгийн үзүүлбэрийн “Стрижи” баг Монгол Улсад ирнэ
Монгол Улсад Нисэх хүчин үүсэж хөгжсөний 100 жилийн ой энэ 2025 оны тавдугаар сарын 25-ны өдөр тохиох гэж байна.
Энэхүү түүхэн үйл явдлыг тохиолдуулан ОХУ-ын алдарт уран нислэгийн үзүүлбэрийн “Стрижи” баг МиГ-29 загварын сөнөөгч онгоцоор агаарт гайхамшигтай, давтагдашгүй үзүүлбэрээ толиулахаар боллоо.
“Стрижи” уран нислэг үзүүлбэрийг багийн оролцоо нь манай хоёр орны найрамдалт харилцаа, батлан хамгаалах салбарын хамтын ажиллагааг улам бэхжүүлж, залуу хойч үедээ эх оронч үзэл, нисэх хүчний сурталчлахад үнэтэй хувь нэмэр оруулах юм гэж Монгол Улсын Батлан хамгаалах яамнаас мэдээллээ.
Урлаг спорт
СХД-ийн 5 дугаар хороонд Бейсболын цэнгэлдэх хүрээлэн барина
Сонгинохайрхан дүүргийн 5 дугаар хороо, Хүүхэд, залуучуудын театрын ард 1.5 га талбайг чөлөөлж, Бейсболын цэнгэлдэх хүрээлэн барина. Уг байршилд нийслэлийн Засаг дарга бөгөөд Улаанбаатар хотын Захирагч Х.Нямбаатар болон холбогдох албаныхан ажиллалаа.
Энэ үеэр хотын дарга Х.Нямбаатар “Төрийн болон орон нутгийн өмчийн хөрөнгөөр бараа ажил үйлчилгээ худалдан авах тухай хуульд нийцүүлэн уг хороонд Бейсболын цэнгэлдэх хүрээлэн барих нээлттэй тендерийг зарлах бэлтгэл ажлыг хангасан. Гүйцэтгэгч сонгон шалгарсан тохиолдолд тус дүүргийн ЗДТГ захиалагчийн хяналт тавина” гэдгийг онцлов.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
-
Шударга мэдээ2024/04/03
Метро байгуулах төслийн зөвлөх үйлчилгээ үзүүлэх тендерийн хоёрдугаар үе шатыг з...
-
Цаг үе2023/02/27
Зохиолч Д.Хүүгийн “Батмөнх Даян хаан” номын нээлт болно
-
Улстөр нийгэм2020/10/12
У.Хүрэлсүх: Засгийн газар чадварлаг багш бэлтгэхэд анхаарна
-
Урлаг спорт2019/08/09
"Аравт" олон улсын тэмцээнд Монгол Улсын баг тэргүүллээ