Улстөр нийгэм
“Парламентын ардчиллын тулгамдсан асуудлууд” сэдэвт хэлэлцүүлэг болов
Хэлэлцүүлгийг нээж Монгол Улсын Их Хурлын дарга Г.Занданшатар хэлсэн үгэндээ, Парламент бол ард түмний хүсэл зоригийг илэрхийлдэг, ард түмний засаглах эрхийг амьдралд бодитоор хэрэгжүүлдэг байгууллага. Тийм ч учраас 2019 онд Үндсэн хуульд оруулсан нэмэлт, өөрчлөлтийн дараа Улсын Их Хурал стратегийн баримт бичгээ баталж, Улсын Их Хурлын эрхэм зорилго бол ард түмний засаглах эрхийг хангах явдал гэдгийг тодорхойлсон талаар тэмдэглээд энэхүү засаглах эрхийг хангахын тулд гурван D парламент байх зорилтыг дэвшүүлснийг онцолсон. Өөрөөр хэлбэл Democratic буюу ардчилсан, хүний эрх, хууль дээдлэх ёсыг хангасан, ард түмний оролцоотой парламент, Digital буюу орчин үеийн технологийн дэвшлийг ашиглаж ард иргэдийнхээ дуу хоолойг ард иргэдэд хүндрэлгүйгээр сонсдог парламент, Deliberative буюу тэнцвэртэй мэдээллээр иргэдийг хангаж, ухамсартай ардчиллын арга хэлбэрийг хөгжүүлсэн, ард иргэдтэйгээ зөвлөлддөг парламент байх зорилтыг дэвшүүлж, эдгээр зорилтыг хууль тогтоомжууддаа тусган, хэрэгжүүлж буйг дурьдаад, парламентын ардчилалд тулгарч буй сорилт бэрхшээлүүдийг шийдвэрлэхийн тулд гурван D парламент байх зорилт дэвшүүлсэн нь тодорхой үр дүнд хүрч буйг тэмдэглэв. Мөн Монгол Улсад парламентын ардчиллыг бэхжүүлэхэд гүн туслалцаа үзүүлж буй Фридрих-Эбертийн сан, Азийн сан зэрэг олон улсын байгууллагуудад талархал илэрхийллээ.
Холбооны Бүгд Найрамдах Герман Улсын Фридрих-Эбертийн сан нь Монгол Улсад үйл ажиллагаа явуулж эхэлсний 30 жилийн ой энэ өдрүүдэд тохиож буй бөгөөд хэлэлцүүлэгт Фридрих-Эбертийн сангийн ерөнхийлөгч Мартин Шульц оролцлоо. Тэрбээр мэндчилгээ дэвшүүлж хэлсэн үгэндээ Монголын парламент түүхэн уламжлалдаа суурилсан ард иргэдийн оролцоог хангасан төлөөллийн парламент байх зорилт дэвшүүлэн ажиллаж буйд баяр хүргээд, парламентын ардчилалд тулгарсан асуудлыг шийдвэрлэж байсан өөрийн туршлага, түүхээ хуваалцлаа.
Хэлэлцүүлэгт Улсын Их Хурлын гишүүн Ц.Мөнхцэцэг “Улс төрийн намын төлөвшил, үүрэг оролцоо” сэдвээр, аюулгүй байдал судлаач Л.Бадамханд “Геополитикийн нөхцөл байдал ба парламент” сэдвээр илтгэл тавьсан. Улсын Их Хурлын гишүүд, олон улсын байгууллагын төлөөлөл, эрдэмтэн судлаачид хэлэлцүүлэгт оролцов. Оролцогчдын асуултад Улсын Их Хурлын дарга Г.Занданшатар болон Фридрих-Эбертийн сангийн ерөнхийлөгч Мартин Шульц нар хариулт өгч, оролцогчдын саналыг сонссоноор өндөрлөлөө гэж Улсын Их Хурлын Хэвлэл мэдээлэл, олон нийттэй харилцах газраас мэдээлэв.
Улстөр нийгэм
Монгол Улсын Ерөнхийлөгч У.Хүрэлсүхэд Бүгд Найрамдах Энэтхэг Улсын Парламентын Доод танхимын дарга Ом Бирла бараалхав
Монгол Улсын Ерөнхийлөгч Ухнаагийн Хүрэлсүх Бүгд Найрамдах Энэтхэг Улсын Ерөнхийлөгч Дроупади Мурму, Ерөнхий сайд Нарендра Моди нарын урилгаар 2025 оны 10 дугаар сарын 13-16-ны өдрүүдэд тус улсад төрийн айлчлал хийж байна.
Ерөнхийлөгч Ухнаагийн Хүрэлсүхэд тус улсын хууль тогтоох дээд байгууллага болох Парламентын Доод танхим Лок Сабха-гийн дарга Ом Бирла бараалхлаа.
Ерөнхийлөгч У.Хүрэлсүх Монгол Улс Энэтхэг Улсыг “гуравдагч хөрш” төдийгүй бүс нутаг дахь итгэлт түнш хэмээн үздэг бөгөөд “Стратегийн түншлэл”-ийн харилцааг улам бүр гүнзгийрүүлж, хамтын ажиллагааны цар хүрээг өргөжүүлэн хөгжүүлэх нь Монгол Улсын гадаад бодлогын тэргүүн зорилтуудын нэг гэдгийг тэмдэглэв.
Тэр бээр Парламентын Доод танхимын дарга Ом Бирла-тай 2023 онд Монгол Улсад уулзаж байснаа эргэн дурсаж, түүний айлчлал нь ард түмний найрамдал, нөхөрлөлийг бэхжүүлж, парламент хоорондын хамтын ажиллагааг шинэ шатанд гарган, цаашдын хамтын ажиллагааны бат бэх суурийг тавьсан гэдгийг онцоллоо.
Дарга Ом Бирла Монгол Улсын Ерөнхийлөгч У.Хүрэлсүхтэй Энэтхэг Улсад дахин уулзаж буйдаа баяртай байгаагаа илэрхийлээд, энэ төрийн айлчлал нь хоёр улсын “Стратегийн түншлэл”-ийн харилцааг бэхжүүлэх, Монгол Улсын Их Хурал болон Энэтхэг Улсын Лок Сабха хоорондын найрсаг харилцаа, хамтын ажиллагааг өргөжүүлэхэд чухал ач холбогдолтой түүхэн үйл явдал болж буйг тэмдэглэлээ.
Тэрбээр хоёр улсын хооронд дипломат харилцаа тогтоосны 70 жилийн ойн хүрээнд хоёр орны парламент, парламент дахь найрамдлын бүлгийн солилцоо, хамтын ажиллагааг бэхжүүлэх, Энэтхэг, Монголын найрсаг харилцааг шинэ агуулгаар баяжуулан хөгжүүлэхэд Энэтхэг Улсын Парламент хамтран ажиллана гэдгийг илэрхийллээ.
Ерөнхийлөгч У.Хүрэлсүх Энэтхэгийн талын хөнгөлөлттэй зээл, буцалтгүй тусламжийн хүрээнд хэрэгжиж буй Газрын тос боловсруулах үйлдвэрийн бүтээн байгуулалт нь хоёр орны найрсаг хамтын ажиллагааны бэлгэ тэмдэг болсон гэдгийг онцоллоо.
Энэ төслийг төлөвлөсөн хугацаанд нь амжилттай хэрэгжүүлэхэд Энэтхэгийн Парламент анхаарч, тууштай дэмжлэг үзүүлж ирсэнд монголын ард түмэн нэн талархаж байдгийг тэмдэглэлээ.
Улстөр нийгэм
Орон сууцны үнэ өссөн байна
Орон сууцны үнийн индекс есдүгээр сард 1.34 болж, өмнөх оны мөн үеэс 14.0 хувиар, өмнөх сараас 1.1 хувиар тус тус өссөн байна.
Шинэ орон сууцны үнэ өмнөх оны мөн үеэс 13.5 хувиар, өмнөх сараас 1.1 хувиар, хуучин орон сууцны үнэ өмнөх оны мөн үеэс 14.7 хувиар, өмнөх сараас 1.3 хувиар тус тус өссөн байна гэж Үндэсний Статистикийн Хорооноос мэдээллээ.
Улстөр нийгэм
Нийслэлийн хэмжээнд 2025 оны II ээлжийн цэрэг татлагыг энэ сарын 17, 18, 19-ний өдөр зохион байгуулна
Нийслэлийн хэмжээнд 2025 оны II ээлжийн цэрэг татлагыг энэ сарын 17, 18, 19-ний өдөр зохион байгуулна. Мөн хугацаат цэргийн албанд тэнцсэн залуусаас санал авч мэргэжил эзэмшүүлнэ.
Тодруулбал, барилгын засал, сантехникч, цахилгаанчин, гагнуурчин, үсчин, оёдолчин зэрэг мэргэжлийг эзэмших боломжтой. Харин тухайн мэргэжлээрээ ажиллаж байсан бол ахисан шатны сургалтад хамруулах аж.
Энэ талаар НЗДТГ-ын Цэргийн штабын дарга Г.Ялалт “Өмнөх жилүүдэд цэргийн алба хааж буй залууст англи хэл, жолооны курсийн сургалтыг цэргийн эрдмийн хичээлтэй хавсарч олгосон нь үр дүнтэй байсан. Тийм учраас цэргийн алба хаах хугацаанд нь тухайн орон нутгийн МСҮТ-тэй хамтарч мэргэжил эзэмшүүлнэ.
Ингэхдээ цэргийн албанд тэнцсэн залуусаас ямар мэргэжлээр суралцах хүсэлтэй байгаа талаар нь санал авна. Мөн цэргийн насны залуусын эрүүл мэндийн асуудалд ямар түвшинд байгааг тогтоох дүн шинжилгээ хийнэ. Энэ хүрээнд БЗД-ийн хэмжээнд цэрэгт татагдах насны 2000 иргэнийг эрүүл мэндийн цогц шинжилгээнд хамруулна. Хугацаат цэргийн албанд татагдагч нь найман төрлийн шинжилгээ хийлгэж, эрүүл мэндийн үзлэгт орно” гэлээ.
Цэрэг татлагын байранд очихдоо:
- Иргэний үнэмлэх
- Цэргийн үүрэгтний үнэмлэх
- Мэргэжил эзэмшсэн бол мэргэжлийн үнэмлэх
- Сургууль төгссөн бол диплом зэрэг бичиг баримтыг биедээ авч очих шаардлагатай.
Цэцэг татлагыг дараах есөн байршилд зохион байгуулна.
- Баянгол дүүргийн 96 дугаар сургууль,
- Баянзүрх дүүргийн - 14 дугаар сургууль,
- Сүхбаатар дүүргийн - 3 дугаар сургууль,
- Сонгинохайрхан дүүргийн - 83 дугаар сургууль,
- Чингэлтэй дүүргийн - 5 дугаар сургууль,
- Хан-Уул дүүргийн - 34 дугаар сургууль,
- Налайх дүүргийн - Налайх политехник коллеж,
- Багануур дүүргийн - Гүн галуутай цогцолбор сургууль,
- Багахангай дүүргийн - Хангай цогцолбор сургууль дээр тус тус зохион байгуулна.
-
Улстөр нийгэм2021/08/27
Монгол Улсын Ерөнхийлөгч У.Хүрэлсүхэд Азийн хөгжлийн банкны төлөөлөгчид бараалха...
-
Цаг үе2023/02/07
О.Мөнхжин, Б.Эрхэмбаяр, Б.Гантиг нарыг Монгол Улсын хилээр гарахыг хориглолоо
-
Шударга мэдээ2025/01/15
ААН-ийн орлогын албан татварын тухай хуульд заасан татварын хөнгөлөлтийг хэрэгжү...
-
Улстөр нийгэм2021/01/04
УИХ-ын чуулганы нэгдсэн хуралдаанаар энэ долоо хоногт...