Бидэнтэй нэгдэх

Шударга мэдээ

МСНЭ-ээс хэвлэл мэдээллийнхэнд хандан зөвлөмж гаргалаа

Огноо:

4 жил 9 сар.өмнө

,

ЗӨВЛӨМЖ

Засгийн газраас тогтоосон өндөржүүлсэн бэлэн байдлын үед сэтгүүлч, хэвлэл мэдээллийн байгууллагын ажилтнууд, хэвлэл мэдээллийн хэрэгсэл, редакцууд COVID19 вирусийн халдвараас сэргийлж, мэргэжлийн онцлогоос хамаарах эрсдэлийг тооцоолон, өөрсдийн үйл ажиллагаандаа дараах зөвлөмжийг мөрдөн ажиллахыг уриалж байна.

Сэтгүүлч, хэвлэл мэдээллийн ажилтнуудад өгөх зөвлөмж

1. Халдвар, өвчний голомт үүсэж болзошгүй эрсдэлтэй цэг, байршлаас сурвалжилга бэлтгэх бол редакц болон удирдлагаас заавар, чиглэл, зөвшөөрөл авч ажиллах.

2. Халдварын эрсдэлтэй аливаа бүс, барилга, байгууламж руу нэвтрэх бол холбогдох журам, зааварчилгааг шаардан авах, түүнийг ягштал дагаж мөрдөх, хамгаалалтын болон хариуцлагатай ажилтан, албан хаагчийн тавьсан шаардлагыг биелүүлж ажиллах.

3. Ханиах, халуурах, хоолой өвдөх, бие тавгүйрхэх гэх мэт шинж тэмдэг илрэх тохиолдолд редакц болон гэртээ очихгүй, яаралтай эмнэлэгт хандах, холбогдох шинжилгээ хийлгэх.

4. Эх сурвалж, зочинтой уулзахдаа амны хаалт зүүх, гар барихаас татгалзах, уулзалтын өмнө ба дараа гараа ариутгах.

5. Амны хаалт зүүх, гар ариутгагч хэрэглэх. Дэвтэр, үзэг, утас, микрофон, камер болон бусад хэрэгслийг тогтмол ариутгаж, цэвэрлэх.

Хэвлэл мэдээллийн хэрэгслийн удирдлага, редакцуудад өгөх зөвлөмж

1. Нийтлэл болон нэвтрүүлгээрээ нийгэмд айдас түгшүүр төрүүлэх, эмх замбараагүй байдал үүсгэх эрсдэлтэй болон нотлогдоогүй, худал мэдээлэл түгээхээс сэргийлэх. Баримтыг дахин нягтлах.

2. COVID 19 вирус болон Засгийн газраас тогтоосон дэглэм, журам, хэрэгжүүлж байгаа арга хэмжээ, цаг үеийн мэдээллийг бэлтгэхдээ Улсын онцгой комисс, Засгийн газар, Эрүүл мэндийн яам, орон нутгийн засаг захиргааны байгууллагууд гэх мэт албан ёсны эх сурвалжаас мэдээлэл авах.

3. Халдварын эрсдэлтэй байршил, үйл явдалд сэтгүүлч, сурвалжлах баг явуулах нөхцөлд эрсдэл болон ач холбогдлыг зөв үнэлэх. Нийгэмд, нийтийн эрх ашигт тустай эсэх, эрсдэлийн түвшинг нягталж, сэтгүүлчдэдээ татгалзсан, эсвэл зөвшөөрсөн талаар тодорхой мэдэгдэх.

4. Үйл явдал, сурвалжилгыг зайлшгүй шаардлагатай эсэхээр нь ангилан, аль болох хүрээг хязгаарлах.

5. Студи, редакц, ажлын байранд гаднын зочныг нэвтрүүлэхээс зайлсхийх. Шаардлагатай нөхцөлд халуун хэмжигчээр биеийн дулааныг шалгаж, гарыг ариутгуулж, амны хаалт зүүлгэн нэвтрүүлэх.

6. Редакц болон ажлын байр руу орж байгаа хүн бүрийн халууныг хэмжиж, эрсдэлтэй шинж тэмдэг илэрвэл нэвтрүүлэхээс татгалзах. Эрүүл мэндийн байгууллагад хандах.

7. Халдвараас хамгаалах ариун цэврийн хэрэглэл, гар ариутгагч, халуун хэмжигч зэргийг редакцад бэлэн байлгах.

8. Нийт сэтгүүлч, ажилтнуудаа халдвараас урьдчилан сэргийлэх мэдээллээр хангах, гар ариутгагч тогтмол хэрэглүүлж, амны хаалт зүүлгэх.

МОНГОЛЫН СЭТГҮҮЛЧДИЙН НЭГДСЭН ЭВЛЭЛ

Уншсан:2413
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Шударга мэдээ

Авто засвар, авто угаалга, хоёрдогч түүхий эд худалдаалж буй 188 байршилд хяналт шалгалт хийж байна

Огноо:

21 цаг 55 минут

,

Нийтийн эзэмшлийн талбай буюу зориулалтын бус газарт авто засвар, дугуй засвар, авто угаалгын үйл ажиллагаа явуулж, хоёрдогч түүхий эд худалдаалж буй нийт 188 байршилд нийслэлийн Хяналт шалгалтын газраас төлөвлөгөөт бус хяналт шалгалтыг хийж байна.

Хяналт шалгалтын ажлыг эрчимжүүлэх үүднээс нийслэлийн Хяналт шалгалтын газрын дарга С.Энхбаяр болон холбогдох албаныхан Сүхбаатар, Чингэлтэй дүүргийн нутаг дэвсгэрт ажиллалаа.

Энэ үеэр нийслэлийн Хяналт шалгалтын газрын дарга С.Энхбаяр “Нийслэлийн нийтийн эзэмшлийн гудамж талбайг чөлөөлж, орц гарцыг нэмэгдүүлэх, зөвшөөрөлгүй контейнер, хашаа, хайсыг чөлөөлөх шалгалтын ажлыг эрчимжүүлж байна. Энэ хүрээнд ялангуяа авто зам дагуу байрладаг авто засвар, дугуй засвар, авто угаалгын газрууд, хоёрдогч түүхий эд худалдаалдаг ААНБ нийтийн эзэмшлийн талбайд зөвшөөрөлгүй үйл ажиллагаа явуулдаг зөрчил түгээмэл илэрч байгаа. Нийслэлийн Засаг даргаас өгсөн үүрэг даалгаврын дагуу нийслэлийн төвийн зургаан дүүрэгт хяналт шалгалт үргэлжилж, Баянбүрдээс Дэнжийн 1000 өгсөх зам дагуу тос, тосолгооны түүхий эд борлуулдаг байршил дээр бид өнөөдөр ажиллалаа. Нийтийн эзэмшилд дур мэдэн контейнер байрлуулсан. Түүнийгээ түрээсэлдэг зөрчлийг илрүүллээ. Нийт 10 аж ахуйн нэгжийн нийтийн эзэмшлийн зам талбайд барьсан контейнер ТҮЦ-ийг чөлөөллөө. ААН-үүд газраа дур мэдэн өргөтгөж, барилга барьдаг. Газраа зориулалтын дагуу ашигладаггүй зөрчил их байна” гэлээ.

 

Сүхбаатар дүүргийн нутаг дэвсгэрт нийт 40 орчим байршилд хяналт шалгалт хийж байгаа аж. Газраа дур мэдэн өргөтгөж, зориулалтын дагуу ашиглахгүй байгаа зөрчлүүдэд улсын байцаагчийн хугацаатай үүрэг даалгавар өгөн ажиллаж байгааг хяналт шалгалтын холбогдох байцаагч нар хэллээ. Мөн шалгалтаар илэрч буй зөрчлүүдийг ангилан ялгаж, холбогдох бодлого хэрэгжүүлэгч байгууллагад хүргүүлэн гэдгээ мэдэгдлээ. Ялангуяа тос, тосолгооны түүхий эдийг нийтийн эзэмшлийн талбайд худалдан борлуулах нь хүрээлэн буй орчиндоо болон хүний эрүүл мэндэд сөрөг нөлөөтэй төдийгүй хотын стандартад нийцэхгүй гэдгийг нийслэлийн Хяналт шалгалтын газрын дарга С.Энхбаяр тодотгов.

Дэлгэрэнгүй унших

Шударга мэдээ

Дунд гол орчмын хог хаягдлыг долоодугаар сарын 24, 25-нд цэвэрлэнэ

Огноо:

11 өдрийн өмнө

,

Нийслэлийн Засаг дарга бөгөөд Улаанбаатар хотын Захирагч Х.Нямбаатар есөн дүүргийн удирдлага болон холбогдох хэлтсийнхэнтэй уулзаж, хот орчмын Туул, Сэлбэ, Дунд, Наран, Толгойт, Улиастайн гол зэрэг голын ай савын хогийг цэвэрлэх, ариутгал халдваргүйжүүлэлт хийх үүрэг даалгаврыг өгсөн.

Энэ хүрээнд Баянгол дүүргийн ЗДТГ-ын холбогдох хэлтсүүд болон цэвэрлэгээ үйлчилгээ хариуцсан компаниуд хамтран энэ сарын 24, 25-ны өдрүүдэд Дунд голыг цэвэрлэнэ.

Ингэхдээ, 

  • Дүүргийн 26-р хороо буюу Энхтайваны гүүрний доороос “Нарны хороолол”, 24-р хороо буюу “Алтай хотхон”-ы урдуур урсдаг Дунд голын ай савыг,
  • Дүүргийн 20-р хороо буюу “Баянгол цэцэрлэгт хүрээлэн”-гийн урд хэсэг, Сонсголонгийн гүүр орчимд Дунд гол Туул голтой нийлдэг хэсгийг самнаж цэвэрлэх юм.

Цэвэрлэгээг дүүргийн зам талбайн цэвэрлэгээ үйлчилгээ хариуцсан байгууллагууд гаргасан хуваарийн дагуу цэвэрлэх бол “Баянгол Шинэ Өргөө” хог тээвэрлэлтийг бүрэн хариуцаж ажиллана. 

Дэлгэрэнгүй унших

Шударга мэдээ

АТГ: Л.Оюун-Эрдэнийн хүү О.Тэмүүлэнгийн зарцуулсан хөрөнгийн эх үүсвэр хууль ёсны болох нь тогтоогдлоо

Огноо:

11 өдрийн өмнө

,

Монгол Улсын Ерөнхий сайд асан, Улсын Их Хурлын гишүүн Л.Оюун-Эрдэнийн хүү иргэн О.Тэмүүлэнтэй холбоотойгоор цахим орчин, хэвлэл, мэдээллийн хэрэгсэлд гарсан болон иргэд, хуулийн этгээдээс ирүүлсэн гомдол, мэдээллүүдийг нэгтгэн Авлигын эсрэг хууль болон Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийг баримтлан Авлигатай тэмцэх газраас хянан шалгалаа.

Нийтийн албан тушаалтан нь өөрийн болон гэр бүлийн гишүүдийн хөрөнгө, орлогын мэдүүлгийг хуульд заасан хугацаанд үнэн зөв мэдүүлэх, хөрөнгө, орлогын эх үүсвэрээ бодитой, үнэн зөв тайлбарлах үүргийг хуулиар хүлээдэг. Харин иргэн О.Тэмүүлэн нь өөрийн хөрөнгө, орлогыг мэдүүлэх, тайлбарлах үүрэг бүхий нийтийн албан тушаалтан биш юм. Хяналт шалгалтаар гомдол, мэдээлэлд дурдагдсан О.Тэмүүлэнгийн зарцуулсан хөрөнгийн эх үүсвэр хууль ёсны болох нь тогтоогдлоо.

“Херо энтертайнмент групп” ХХК-ийн гүйцэтгэх захирал Б.Баатар нь тус компанийн орлогоос О.Тэмүүлэнд 2025 оны 1 дүгээр сарын 12-ны өдөр 150,0 сая төгрөг, 2025 оны 3 дугаар сарын 16-ны өдөр 80,0 сая төгрөг, 2025 оны 4 дүгээр сарын 5-ны өдөр 70,0 сая төгрөг буюу нийт 300,0 сая төгрөгийг шилжүүлэн өгсөн болох нь холбогдох этгээдүүдийн тайлбар, санхүүгийн баримтуудаар нотлогдсон байна.

Нийслэлийн Татварын газраас ирүүлсэн баримтаар “Херо энтертайнмент групп” ХХК нь 2024 онд нийтдээ 265,8 сая төгрөгийн татвар төлсөн, 2024 оны жилийн эцсийн Аж ахуйн нэгжийн орлогын албан татварын тайлангаар 6,2 тэрбум төгрөгийн борлуулалтын орлого, татвар төлөхийн өмнөх ашиг 4,1 тэрбум төгрөг болохыг тус тус тайлагнасан нь баримтаар тогтоогдож байна.

“Хүлэг контент” ХХК, “Херо энтертайнмент групп” ХХК болон захирал Б.Б, иргэн А.А нарт холбогдох асуудалд тус газрын Мөрдөн шалгах хэлтсээс хэрэг бүртгэлтийн хэрэг нээн, мөрдөн шалгах ажиллагааг явуулж байна гэж Авлигатай тэмцэх газраас мэдээллээ.

Дэлгэрэнгүй унших
сурталчилгаа

Санал болгох