Шударга мэдээ
Нийслэлийн мал эмнэлгийн байгууллагуудын нэгдсэн зөвлөгөөн боллоо
Нийслэлийн мал эмнэлгийн байгууллагуудын нэгдсэн зөвлөгөөнийг Нийслэлийн Мал эмнэлгийн газар, Японы олон улсын хамтын ажиллагааны байгууллага /ЖАЙКА/-ын “Төрийн болон хувийн хэвшлийн малын эмч нарын практик чадавхийг бэхжүүлэх” төсөлтэй хамтран зохион байгууллаа.
Зөвлөгөөнд мал эмнэлгийн төрийн болон төрийн бус байгууллагын 230 орчим төлөөлөгч оролцож, мал эмнэлгийн үйл ажиллагааны бодлого, чиглэл, цаашид хэрэгжүүлэх арга хэмжээний талаар хэлэлцэв.
Зөвлөгөөний үеэр малын эм ханган нийлүүлэх байгууллага болон жижиг амьтны эмнэлгүүдийн бүтээгдэхүүнийг танилцуулах үзэсгэлэн, худалдааг мөн зохион байгууллаа.
Нийслэлийн мал эмнэлгийн байгууллагуудын нэгдсэн зөвлөгөөнөөс дараах зөвлөмжийг гаргаж, хэрэгжүүлж ажиллахаар шийдвэрлэв.
- Мал эмнэлгийн салбарын хууль, эрх зүйн орчныг сайжруулах саналыг холбогдох байгууллагуудад хүргүүлэх
- Мал эмнэлгийн үйлчилгээний нэгжийн шуурхай, бие даасан, бэлэн байдлыг бүрдүүлэх
- Мал эмнэлгийн байгууллагуудын хүний нөөцийг бүрдүүлж, чадавхижуулах
- Мал, амьтны эрүүл мэндийн тухай хууль болон тэдгээртэй нийцүүлэн гаргасан холбогдох дүрэм, журам, стандартыг мөрдүүлэх, хэрэгжилтэд хяналт тавих
- Мэргэшүүлэх урт болон богино хугацааны сургалтад эмч, мэргэжилтнийг хамруулж чадавхижуулах
- Нийслэлд үйл ажиллгаа явуулж буй мал эмнэлгийн үйлчилгээний нэгжийг шинэчилсэн бүртгэлд хамруулж, хяналтад бүрэн авах
- Мал эмнэлгийн яаралтай болон төлөвлөгөөт арга хэмжээг тархвар зүйн судалгааг үндэслэн боловсронгуй болгож, гүйцэтгэлийн хяналтыг сайжруулан үр дүнг тооцох
- Мал эмнэлгийн анхан шатны лабораторийн багаж тоног төхөөрөмж, хүний нөөцийг чадавхийг сайжруулж, нийслэлийн хүн амын хүнсний аюулгүй байдал, нийтийн эрүүл мэндийг хамгаалах
- Мал эмнэлгийн үйл ажиллагаанд төр, хувийн хэвшлийн хамтын ажиллагааг нэмэгдүүлэн, дүүрэг, хороодын Засаг дарга нарыг татан оролцуулахад анхааарах
- Мал, амьтны гаралтай бүтээгдэхүүнийг шинжилгээнд хамруулж баталгаажуулан, хүн амын хүнсний чанар, аюулгүй байдлыг хангуулахаар болсон юм гэж Нийслэлийн мал эмнэлгийн газраас мэдээллээ.
Шударга мэдээ
Олон хүүхэд төрүүлж өсгөсөн эхийг урамшуулах тухай хуульд өөрчлөлт оруулах тухай хуулийн төслийг өргөн мэдүүлэв
Монгол Улсын Их Хурлын дарга Д.Амарбаясгаланд 2025 оны зургаадугаар сарын 24-ний өдөр Улсын Их Хурлын гишүүн Д.Үүрийнтуяа, Б.Уянга, С.Эрдэнэбат, С.Эрдэнэболд нар Олон хүүхэд төрүүлж өсгөсөн эхийг урамшуулах тухай хуульд өөрчлөлт оруулах тухай хуулийн төслийг өргөн мэдүүллээ.
Уг хуулийн төслийн зорилго нь нэг нас хүрээгүй хүүхдээ алдсан эхчүүдийн эрхийг хамгаалж, урамшуулал, дэмжлэгийн тогтолцоонд хамруулах, олон хүүхэд төрүүлсэн эхчүүдийг ялгаварлахгүй байж, хүн амын өсөлтийг нэмэгдүүлэхэд оршино гэж хууль санаачлагчид тодотгов. Өөрөөр хэлбэл олон хүүхэд төрүүлж, өсгөсөн эхэд урамшуулал олгох шалгуурыг багасгах буюу хөнгөлөхөөр хуулийн төсөлд тусгажээ.
Өдгөө хүчин төгөлдөр мөрдөгдөж буй хуулийн үйлчлэх хүрээ буюу 3.1.1-д заасан “дөрөв болон түүнээс дээш хүүхэд төрүүлж өсгөсөн” гэдэгт бага хүүхэд нь нэг нас хүрэхэд дөрөв ба түүнээс дээш хүүхэдтэй байсан бөгөөд үүнд, гурав хүртэлх насанд нь үрчлэн авсан хүүхэд, байгалийн аюулт үзэгдэл, осол, өвчин, гэмт хэргийн улмаас нас барсан нэг ба түүнээс дээш настай хүүхэд хамаарна гэж заасан. Хуулийн уг зохицуулалтын дагуу зургаа ба түүнээс дээш хүүхэд төрүүлсэн эхэд “Эхийн алдар” нэгдүгээр зэргийн одонг, дөрөв ба түүнээс дээш хүүхэд төрүүлсэн эхэд “Эхийн алдар” хоёрдугаар зэргийн одонг олгодог. Дээрх зохицуулалтаар урамшуулал авах болзолд “бага хүүхэд нь нэг нас хүрсэн байх”, “нас барсан хүүхэд нь нэг ба түүнээс дээш настай байх” зэрэг нөхцөл тавигдаж байгаа нь Хүүхдийн эрхийн тухай конвенцийг зөрчиж, хүүхдийг насаар нь ялгаварлан гадуурхах нөхцөл бүрдүүлсэн гэж хууль санаачлагчид үзжээ.
Хүн төвтэй хууль эрх зүйн орчныг бүрдүүлэх нь хүний эрхэм чанарыг хүндэтгэх төрийн үүргийг хангахаас эхэлнэ гэж УИХ-ын гишүүд тодотгоод, эдгээр шаардлагуудыг хасахаар хуулийн төсөлд тусгаснаа тэмдэглэв. Ингэснээр уг хуулийн үйлчлэх хүрээг өргөжүүлж, дөрөв болон түүнээс дээш хүүхэд төрүүлж өсгөсөн гэдэгт дөрөв ба түүнээс дээш хүүхэдтэй байсан бөгөөд үүнд, тухайн үед гурав хүртэлх насанд нь үрчлэн авсан хүүхэд, нас барсан хүүхдийг хамруулахаар эрх зүйн зохицуулалтыг тусгасан байна хэмээн Улсын Их Хурлын Хэвлэл мэдээллийн газраас мэдээллэв
Шударга мэдээ
Архангай аймаг сүүлийн гурван жилд 48 янгир ямаа нутагшууллаа
Архангай аймгийн Эрдэнэбулган сумын Булган ууланд энэ сарын 21-нд 21 янгирыг нутагшуулах арга хэмжээг “Монгол-99” ТББ зохион байгууллаа.
Булган уулын дархан цаазат газарт янгир ямааг сэргээн нутагшуулах ажлыг 2023 оноос эхлүүлсэн.
Байгаль орчин, уур амьсгалын өөрчлөлтийн яам Монгол Улсын Урт хугацааны бодлого “Алсын хараа-2050”, Монгол Улсын Засгийн газрын үйл ажиллагааны хөтөлбөрийн биологийн олон янз байдлыг хамгаалах, тархац нутаг, амьдрах орчныг нь тэтгэж хомсдолоос сэргийлэх, зориудаар өсгөн үржүүлэх зорилтыг хэрэгжүүлэх хүрээнд ховордсон амьтдыг түүхэн тархац нутагт нь сэргээн нутагшуулах, тоо толгойн өсөлтийг дэмжих арга хэмжээг хэрэгжүүлж, энэ талаар санаачилга гаргаж буй иргэд, хувийн хэвшлийн оролцоог бүхий л талаар дэмжин ажиллаж байна.
2023 онд 11, 2024 онд 16, 2025 онд 21 толгой нийт 48 толгой янгир ямааг Булган уулын бүс нутагт сэргээн нутагшуулаад байна гэж Байгаль орчин, уур амьсгалын өөрчлөлтийн яамнаас мэдээллээ.
Шударга мэдээ
Дотоодын компаниудаас хагас коксожсон нүүрс худалдан авах асуудлыг судлахыг Г.Дамдинням сайдад үүрэг болголоо
Засгийн газрын ээлжит бус хуралдаан 2025 оны зургаадугаар сарын 20-нд болж дараах асуудлыг хэлэлцэн шийдвэрлэлээ.
Монгол Улсын Ерөнхий сайд Г.Занданшатар цаг үеийн нөхцөл байдалтай уялдуулан шуурхай авч хэрэгжүүлэх арга хэмжээний тухай Албан даалгавар гаргалаа.
Тухайлбал, дэд сайд болон яамны Төрийн нарийн бичгийн даргыг томилох асуудлыг Монгол Улсын Ерөнхий сайд болон Монгол Улсын сайд, ЗГХЭГ-ын даргатай зөвшилцөж чиглэл авах, Засгийн газрын гишүүд УИХ-ын чуулганы хуралдаанд ирц бүрэн оролцох, Монгол Улсын Ерөнхий сайдын албан даалгаврыг бүрэн хэрэгжүүлж, биелэлтийн тайланг ЗГХЭГ-т сар бүр ирүүлэх, өвөлжилтийн бэлтгэл ажлыг хангах асуудалд онцгойлон анхаарч, эхлүүлэх, 2025-2026 оны өвлийг цахилгаан, дулааны хямралгүй даван туулах, шахмал түлшний нөөц бүрдүүлэх, агаарын бохирдлыг бууруулах, газрын тосны бүтээгдэхүүний нөөцийг хэвийн тасалдалгүй байлгах, өвөлжилтийн бэлтгэл ажлын нэгдсэн арга хэмжээний төлөвлөгөөг долоо хоногт боловсруулж, танилцуулахыг үүрэг болголоо. Түлшний нөөц бүрдүүлэхдээ БНХАУ-аас хагас коксожсон нүүрс авахгүйгээр дотоодоос авах боломжийг судлахыг даалгалаа.
Аялал жуулчлалын улиралтай холбогдуулан жуулчдад үзүүлэх үйлчилгээний чанар, аюулгүй байдал, аюулгүй ажиллагаа, тээвэр, нислэгийн асуудалд онцгой анхаарах, мөн хүнсний хангамжийг хэвийн байлгах, газар тариалангийн бүс, төвийн нутгаар ган гачигтай байгаатай холбогдуулан ургац алдахаас сэргийлэх цогц арга хэмжээ авч хэрэгжүүлэх, Засгийн газрын хуралдааны журмыг хатуу баримтлан ажиллахыг Ерөнхий сайд Албан даалгавраараа үүрэгжүүлжээ.
