Улстөр нийгэм
Манай улс АИ-92 шатахууны 42 хоногийн нөөцтэй байна
УИХ дахь Монгол Ардын Намын бүлгийн 2026 оны дөрөвдүгээр сарын 06-ны өдрийн хуралдаанаар хоёр асуудал хэлэлцлээ.
Нэгдүгээрт, Монгол Ардын Намын Удирдах зөвлөл болон Бага хурлын тогтоолуудыг танилцуулж, цаашдын үйл ажиллагаанд мөрдөж ажиллах талаар хэлэлцсэн байна. Улс орны нийгэм, эдийн засгийн нөхцөл байдал, иргэдийн амьдралын чанарыг сайжруулах, төр засгийн тогтвортой, шуурхай ажиллагааг хангах зорилгоор Монгол Ардын Намын Бага хурлын II хуралдааны 04, 05 дугаар тогтоол, мөн Удирдах зөвлөлийн А/11 дүгээр тогтоолуудыг УИХ дахь бүлгийн гишүүдэд танилцуулжээ.
Хоёрдугаарт, Эдийн засаг, хөгжлийн сайд Ж.Энхбаяр эдийн засгийн нөхцөл байдал, үүсэж буй эрсдэл, хэрэгжүүлэх арга хэмжээний талаар мэдээлэл өглөө.
Мэдээллээр 2025 онд эдийн засаг 6.8 хувиар өссөн ч үүний 3.2 нэгж хувь нь хөдөө аж ахуй, Оюу толгойн баяжмал дахь агууламж болон биет хэмжээний өөрчлөлтөөс шалтгаалсан байна. Харин бусад салбарын өсөлт 3.6 хувьтай гарч, эдийн засгийн боломжит өсөлтөөс доогуур үзүүлэлттэй байгааг онцоллоо.
Өрхийн бодит орлого улсын хэмжээнд 5.0 хувиар өссөн бол Улаанбаатар хотод 2.2 хувиар буурсан байна. Мөн тэтгэвэр, тэтгэмж бодит дүнгээр 3.2 хувиар буурч, цалингийн орлогын өсөлт саарч байгааг салбарын сайд мэдээлэв.
Экспортын орлого 2026 оны эхний улиралд 4.8 тэрбум ам.долларт хүрч, өмнөх оны мөн үеэс 60 хувиар өссөн байна. Голлох бүтээгдэхүүний экспорт өсөлттэй байгаа бөгөөд уул уурхайн бүтээгдэхүүний биржийн арилжаа тогтвортой нэмэгдэж байгааг танилцуулжээ.
Тодруулбал, 2025 оны эхний хагаст сард 0.5 сая тоннд хүрэхгүй хэмжээний нүүрсний гэрээ хийгдэж байсан бол сүүлийн гурван улиралд сард дунджаар 2.7 сая тонн нүүрсний шинэ гэрээ байгуулсан байна. Мөн нүүрсний арилжааны биелсэн үнэ анхны дуудсан үнээс сүүлийн саруудад 36 хүртэл хувиар өссөн бөгөөд гуравдугаар сарын дуудлага худалдааны үеэр үнийн өсөлт илүү өндөр байсныг мэдээлэлд онцолжээ.
Мөн Ойрхи Дорнодын нөхцөл байдлаас шалтгаалан газрын тос, байгалийн хийн нийлүүлэлтэд эрсдэл үүсэж, Ормузын хоолой-гоор дамжих тээвэрлэлт буурсантай холбоотойгоор газрын тосны үнэ 109 ам.долларт хүрсэн байна.
Монгол Улсын газрын тосны бүтээгдэхүүний нөөцийн хувьд:
- АИ-92 — 42 хоног
- АИ-95 — 73 хоног
- Дизель түлш — 27 хоног
- Шингэрүүлсэн шатдаг хий — 40 хоног
- ТС-1 — 25 хоногийн нөөцтэй байгаа талаар мэдээлэл танилцуулжээ.
Улстөр нийгэм
УИХ: Намын бүлэг, зөвлөлийн хуралдаан болно
Өнөөдөр буву 2026 оны есдүгээр сарын 11-ний өдөр хуралдах Намын бүлэг, зөвлөлийн хуралдааны товыг танилцуулж байна.
|
ЦАГ |
БҮЛЭГ, ЗӨВЛӨЛ |
ТАНХИМ |
|
10:00 |
Улсын Их Хурал дахь Монгол Ардын намын бүлгийн хуралдаан |
Жанжин Д.Сүхбаатар |
|
10:00 |
Улсын Их Хурал дахь Ардчилсан намын бүлгийн хуралдаан |
Их Эзэн Чингис хаан |
|
10:00 |
ХҮН намын зөвлөлийн хуралдаан |
Үндсэн хууль |
Улстөр нийгэм
УИХ: Төрийн байгуулалтын байнгын хороо өнөөдөр хуралдана
Өнөөдөр буюу 2026 оны есдүгээр сарын 21-нйи өдөр хуралдах Төрийн байгуулалтын байнгын хорооны хуралдааны тов, хэлэлцэх асуудлыг танилцуулж байна.
|
12:00 |
Хэлэлцэх асуудлууд
|
Улстөр нийгэм
Ерөнхийлөгч У.Хүрэлсүх Засгийн газрын гишүүд, үндэсний аюулгүй байдлыг хангах чиг үүрэг бүхий байгууллагуудын удирдлагатай уулзлаа
Монгол Улсын Ерөнхийлөгч, Үндэсний аюулгүй байдлын зөвлөлийн тэргүүн Ухнаагийн Хүрэлсүх Засгийн газрын гишүүд, үндэсний аюулгүй байдлыг хангах чиг үүрэг бүхий байгууллагуудын удирдлагатай уулзлаа.
Ерөнхийлөгч У.Хүрэлсүх Баян-Өлгий аймагт ажиллах үеэрээ аймгийн удирдах албан тушаалтнуудад үүрэг, даалгавар өгч, биелэлтэд нь онцгой анхаарахаа хэлсэн. Энэ хүрээнд Монгол Улсын Үндсэн хуулийг дээдлэн ажиллах, төрийн холбогдох байгууллагууд тодорхой төлөвлөгөө гаргаж, хэрэгжилтийг хангахыг үүрэг болголоо.
Монгол Улсын тусгаар тогтнол, үндэсний аюулгүй байдал, ард түмний эв нэгдэлд сөргөөр нөлөөлөх эрсдэл бүхий аливаа хууль бус үйл ажиллагааг таслан зогсоож, хуулийн хүрээнд арга хэмжээ авч ажиллахыг анхаарууллаа.
Баян-Өлгий аймгийн сурагчид төрийн албан ёсны хэл болох монгол хэлээ сурч эзэмших нөхцөл, боломжийг сайжруулахад онцгой анхаарах шаардлагатайг онцоллоо.
Монгол Улсын нутаг дэвсгэрт зөвшөөрөлгүй баригдсан хөшөө, дурсгал, бунхан зэргийг цэгцэлж, хууль, эрх зүйн орчныг боловсронгуй болгох, газар, орны нэрийг дураар өөрчлөх зэрэг асуудалд тодорхой зохицуулалт бий болгох нь нэн чухал гэдгийг хэлэв.
Төрийн албаны холбогдох хууль, тогтоомжийн хэрэгжилтэд анхаарч, хүн бүр мэдлэг, чадвар, ёс зүй, хуульд заасан шалгуураар өрсөлдөж ажиллах боломжийг бүрдүүлэх ёстойг дурдлаа.
Дээрх үүрэг, чиглэлийн хүрээнд Үндэсний аюулгүй байдлын зөвлөлийн Ажлын албаны дэргэд Хамтарсан ажлын хэсэг байгуулж, төрийн байгууллага, орон нутгийн удирдлагын үйл ажиллагааг уялдуулан зохицуулж, дэмжлэг үзүүлэн ажиллахыг үүрэг болголоо.
-
Урлаг спорт2019/09/10
Энэ сарын 14, 15-ны өдрүүдэд “Цэвэр агаартай өдөр” өдөрлөгийг зохион...
-
Цаг үе2019/11/15
Улаанбаатарт өдөртөө 4 хэм хүйтэн
-
Шударга мэдээ2023/07/31
Чингис хааны музейн уулзвараас ШУТИС-ийн уулзвар хүртэлх авто замыг шинэчиллээ
-
Улстөр нийгэм2024/05/13
Хоёр орны хамтарсан “Талын түнш-2024” хээрийн сургууль эхэллээ