Цаг үе
БНХАУ: Шилдэг их сургуулийн 30 гаруй албан хаагчийг авлигатай тэмцэх хүрээнд шалгажээ
БНХАУ нь сургуулийн авлигатай тэмцэх үйл ажиллагааг сайжруулах хүрээнд шилдэг их сургуулийн 30 гаруй албан хаагчийг 2020 онд авлигатай холбогдуулан шалгажээ.
БНХАУ-ын Анхуй мужийн Уламжлалт анагаах ухааны их сургуулийн Эрхлэгч асан Ван Жиан нь 6 тэрбум гаруй юаний авлига авсан хэргээр 10 жилийн ял авсан байна.
Ван Жиан нь Ёс зүйн төв хорооноос авлигын хэргээр сэжиглэгдэн шалгагдсан их сургуулийн 30 гаруй албан тушаалтны нэг ажээ. Тэдгээрийн 70 гаруй хувь нь сургуулийн намын нарийн бичгийн дарга болон эрхлэгч албан тушаалтай байсан бөгөөд судлаачид Их сургуулийн удирдах албан тушаалтны дунд авлига байгаа нь энэ төрлийн авлигын онцлог шинж чанар гэдгийг дурдав.
Ван Жиан нь инженерийн чиглэлээр үйл ажиллагаа явуулдаг бизнес эрхлэгчтэй хамтран хэрэгжүүлэх сургуулийн төсөл хөтөлбөр болон албан хаагчдыг тушаал дэвшихэд нөлөөлж авлига авсан нь тогтоогдсон байна.
Их сургуулийн авлига нь албан тушаалтан томилох, ажилд авах, оюутан элсүүлэх, шалгалт авахаас гадна судалгаа шинжилгээг санхүүжүүлэх, сургуулийн барилгын дэд бүтэц, ложистикын асуудал, бусад байгууллагатай хамтран ажиллах хүрээнд ихэвчлэн тархсан талаар Бээжингийн их сургуулийн Төрийн нэгдмэл байдлын Судалгаа шинжилгээний төвийн Дэд дарга Жуан Дөшүй мэдээлжээ.
Үүнээс гадна Өвөр Монголын үндэстний их сургуулийн Намын хорооны Дэд дарга асан Шиао Жианпин нь бүс нутгийн барилгын компаниас сургуулийн шинэ барилгын төсөлд дэмжлэг үзүүлэхээр 300 мянган юаний авлига авсан бөгөөд ажиллаж байх хугацаандаа нийт 2.75 сая юаний авлига авсан нь илэрч 5 жилийн хорих ял авчээ.
Их сургуулийн авлигатай тэмцэх ажлын хүрээнд, Хяналт шалгалтын ажилтанд тусгай өрөө гаргаж өгөх, бүс нутгийн захиргааны удирдлагаас ёс зүйн байцаагч томилох зэргээр БНХАУ нь Их сургуулийн ёс зүйн хяналт шалгалт болон хяналт шинжилгээнд шинэчлэл хийж байна.
Тухайлбал, Бээжин хотын 33 Их сургуульд 177 ёс зүйн байцаагч томилогдсон нь энэхүү шинэчлэлийн өмнөх үеэс 30 гаруй хувиар өссөн үзүүлэлт юм.
Их сургуулийн авлигаас гадна БНХАУ-ын авлигын эсрэг тэмцэл нь бусад салбарт ч мөн адил эрчимтэй хэрэгжиж байна. Засгийн газрын зургаан өндөр албан тушаалтныг өмнөх долоо хоногт ёс зүйн зөрчилтэй холбогдуулан шалгажээ.
Цаг үе
С.Зориг, Д.Нацагдорж, Б.Явуухулангийн хөшөөний дэргэд зөвшөөрөлгүй байрлуулсан хөшөөг шилжүүлнэ
НИТХ-ын Тэргүүлэгчдийн 2010 оны 3 дугаар сарын 31-ний өдрийн 55 дугаар тогтоолоор “Улсын нийслэлд хөшөө, дурсгал хүндэтгэлийн самбар байрлуулах журам”-ыг баталсан байдаг. Үүнд, “Тухайн улс орон, бүс нутгийн соёл урлаг, түүхэн үйл явдлыг харуулсан, оюун сэтгэлгээний хөгжлийн илэрхийлэл болсон, архитектур, дүрслэх урлагийн шийдэл бүхий байгууламжийг хөшөө” гэж нэрлэхээр тусгажээ. Тэгвэл Сүхбаатар дүүргийн 1 дүгээр хороонд төр, нийгмийн нэрт зүтгэлтэн С.Зориг агсны хөшөөний дэргэд холбогдох байгууллагуудын зөвшөөрөлгүйгээр хүүхдийн хөшөө байрлуулсан байна. Түүнчлэн нэрт яруу найрагч Д.Нацагдорж, Б.Явуухулангийн хөшөөний дэргэд мөн зөвшөөрөлгүйгээр хүүхдийн хөшөө байрлуулжээ.
Энэ нь “Улсын нийслэлд хөшөө, дурсгал хүндэтгэлийн самбар байрлуулах журам”-ын 2.1, 2.2 заалтыг тус тус зөрчсөн тул дээрх зөвшөөрөлгүй хөшөөнүүдийг албадан шилжүүлэхийг холбогдох газруудад мэдэгдээд байна.
“Улсын нийслэлд хөшөө, дурсгал хүндэтгэлийн самбар байрлуулах журам”-ын дараах заалтыг тус тус зөрчжээ.
2.1 Нийслэлийн нутаг дэвсгэрт хөшөө, дурсгал хүндэтгэлийн самбар байрлуулах саналыг яам, тусгай газар, нийслэл, дүүргийн Засаг даргын Тамгын газар, аж ахуйн нэгж, нам, олон нийтийн байгууллага, иргэдээс албан бичгээр комисст гаргана.
2.2 Нийслэлийн Иргэдийн Төлөөлөгчдийн Хурлын Тэргүүлэгчдийн дэргэд комисс (цаашид "Комисс” гэх) ажиллаж, нийслэлийн нутаг дэвсгэрт хөшөө дурсгал, түүх соёлын үл хөдлөх дурсгалт зүйлийн загвар батлах асуудлыг хэлэлцэн санал боловсруулж, Нийслэлийн Иргэдийн Төлөөлөгчдийн Хурлын Тэргүүлэгчдийн хуралдаанаар шийдвэрлүүлнэ.
Цаг үе
УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь
Цаг үе
Өнөөдөр сондгой дугаараар төгссөн тээврийн хэрэгсэл хөдөлгөөнд оролцоно
Наймдугаар сарын 15-аас есдүгээр сарын 12-ны өдрийг дуустал хугацаанд нийслэлийн хэмжээнд автомашиныг улсын дугаарын тэгш, сондгойгоор ангилан замыг хөдөлгөөнд оролцуулах зохицуулалт бүсчлэл харгалзахгүй хэрэгжиж байна.
Тодруулбал:
Сондгой тоогоор төгссөн бол: 9 дүгээр сарын 3, 5, 7, 9, 11-нд хөдөлгөөнд оролцоно.
Тэгш тоогоор төгссөн бол: 9 дүгээр сарын 4, 6, 8, 10, 12-нд хөдөлгөөнд оролцоно.
Иймд өнөөдөр таны тээврийн хэрэгслийн улсын бүртгэлийн дугаар сондгой тоогоор төгссөн бол авто замын хөдөлгөөнд оролцоно.
Улсын дугаарын тэгш, сондгойгоор ангилан хөдөлгөөнд оролцуулах энэхүү зохицуулалт 07:00-21:00 цагийн хооронд хэрэгжих бөгөөд бүсчлэл харгалзахгүй, нийслэлийн төвийн зургаан дүүргийн хэмжээнд шийдвэр үйлчилнэ.
.jpg?w=1000)
