Улстөр нийгэм
Нийслэлийн хөрөнгө оруулалтаар 204 хороо тус бүрд тохижилтын ажил хийж байна
Улаанбаатар хот нь төвийн зургаа, алслагдсан гурван дүүрэгтэй. Нийт 204 хороотой. Эдгээр хороо тус бүрд нийслэлийн Засаг даргын захирамжаар 50 сая төгрөгийн хөрөнгө оруулалтыг хийж, тулгамдаж буй зарим асуудлыг хороодын Засаг дарга нар өөрсдөө сайжруулах боломжийг бүрдүүлсэн. Уг ажлын хүрээнд иргэдийн эрүүл аюулгүй орчинд ажиллаж амьдрах орчин нөхцөлийг сайжруулах зорилгоор хүүхдийн тоглоомын талбай, явган зам, хашаа хайс зэргийг барьж байна.
Тухайлбал, Багануур дүүргийн 1 дүгээр хороонд нийслэлийн Засаг даргын захирамжийн хүрээнд дүүргийн Ерөнхий менежерээр ахлуулсан ажлын хэсэг явган хүний замын тохижилт засвар, авто зогсоол, авто замын дундах гэрэлтүүлгийн шон зөөвөрлөн шилжүүлэх, сургууль цэцэрлэгийн ойролцоо хурд сааруулагч байршуулах, харанхуй хэсгүүдэд гэрэлтүүлэг нэмэх ажил 90 хувийн гүйцэтгэлтэй байгаа аж. Мөн “Иргэдээ сонсох” аяны хүрээнд иргэдээс ирүүлсэн санал хүсэлтийн дагуу Багануур дүүргийн “Титэм” хотхоны зүүн хойд талаас хөл бөмбөгийн талбай хүртэлх явган хүний зам дагуу хоёр шон бүхий гэрэлтүүлгийг шинээр суурилуулсан. Орон сууцны хороололд гэрэлтүүлгийн 10 шонг зөөвөрлөн шилжүүлээд байна.
Түүнчлэн хотын дарга Х.Нямбаатар нийслэл, дүүрэг, хороодын ажлыг харилцан уялдаатай, бүх шатандаа хариуцлагатай хэрэгжүүлэхийн тулд асуудлаа хэлэлцэж, шийдвэрлэдэг Засаг дарга нарын уулзалтыг улирал тутам зохион байгуулж байгаа билээ.
Улстөр нийгэм
УИХ: Намын бүлэг, зөвлөлийн хуралдаан болно
Өнөөдөр буву 2026 оны есдүгээр сарын 11-ний өдөр хуралдах Намын бүлэг, зөвлөлийн хуралдааны товыг танилцуулж байна.
|
ЦАГ |
БҮЛЭГ, ЗӨВЛӨЛ |
ТАНХИМ |
|
10:00 |
Улсын Их Хурал дахь Монгол Ардын намын бүлгийн хуралдаан |
Жанжин Д.Сүхбаатар |
|
10:00 |
Улсын Их Хурал дахь Ардчилсан намын бүлгийн хуралдаан |
Их Эзэн Чингис хаан |
|
10:00 |
ХҮН намын зөвлөлийн хуралдаан |
Үндсэн хууль |
Улстөр нийгэм
УИХ: Төрийн байгуулалтын байнгын хороо өнөөдөр хуралдана
Өнөөдөр буюу 2026 оны есдүгээр сарын 21-нйи өдөр хуралдах Төрийн байгуулалтын байнгын хорооны хуралдааны тов, хэлэлцэх асуудлыг танилцуулж байна.
|
12:00 |
Хэлэлцэх асуудлууд
|
Улстөр нийгэм
Ерөнхийлөгч У.Хүрэлсүх Засгийн газрын гишүүд, үндэсний аюулгүй байдлыг хангах чиг үүрэг бүхий байгууллагуудын удирдлагатай уулзлаа
Монгол Улсын Ерөнхийлөгч, Үндэсний аюулгүй байдлын зөвлөлийн тэргүүн Ухнаагийн Хүрэлсүх Засгийн газрын гишүүд, үндэсний аюулгүй байдлыг хангах чиг үүрэг бүхий байгууллагуудын удирдлагатай уулзлаа.
Ерөнхийлөгч У.Хүрэлсүх Баян-Өлгий аймагт ажиллах үеэрээ аймгийн удирдах албан тушаалтнуудад үүрэг, даалгавар өгч, биелэлтэд нь онцгой анхаарахаа хэлсэн. Энэ хүрээнд Монгол Улсын Үндсэн хуулийг дээдлэн ажиллах, төрийн холбогдох байгууллагууд тодорхой төлөвлөгөө гаргаж, хэрэгжилтийг хангахыг үүрэг болголоо.
Монгол Улсын тусгаар тогтнол, үндэсний аюулгүй байдал, ард түмний эв нэгдэлд сөргөөр нөлөөлөх эрсдэл бүхий аливаа хууль бус үйл ажиллагааг таслан зогсоож, хуулийн хүрээнд арга хэмжээ авч ажиллахыг анхаарууллаа.
Баян-Өлгий аймгийн сурагчид төрийн албан ёсны хэл болох монгол хэлээ сурч эзэмших нөхцөл, боломжийг сайжруулахад онцгой анхаарах шаардлагатайг онцоллоо.
Монгол Улсын нутаг дэвсгэрт зөвшөөрөлгүй баригдсан хөшөө, дурсгал, бунхан зэргийг цэгцэлж, хууль, эрх зүйн орчныг боловсронгуй болгох, газар, орны нэрийг дураар өөрчлөх зэрэг асуудалд тодорхой зохицуулалт бий болгох нь нэн чухал гэдгийг хэлэв.
Төрийн албаны холбогдох хууль, тогтоомжийн хэрэгжилтэд анхаарч, хүн бүр мэдлэг, чадвар, ёс зүй, хуульд заасан шалгуураар өрсөлдөж ажиллах боломжийг бүрдүүлэх ёстойг дурдлаа.
Дээрх үүрэг, чиглэлийн хүрээнд Үндэсний аюулгүй байдлын зөвлөлийн Ажлын албаны дэргэд Хамтарсан ажлын хэсэг байгуулж, төрийн байгууллага, орон нутгийн удирдлагын үйл ажиллагааг уялдуулан зохицуулж, дэмжлэг үзүүлэн ажиллахыг үүрэг болголоо.
-
Улстөр нийгэм2021/05/24
УИХ дахь намын бүлэг, ажлын хэсгүүд өнөөдөр хуралдана
-
Улстөр нийгэм2025/10/24
Монгол, Орос, Хятад улс тээврийн салбарт олон чиглэлд хамтран ажиллахаа илэрхийл...
-
Цаг үе2026/01/16
Сонгинохайрхан дүүргийн хэмжээнд хүүхэд хамгааллын “Асуудал-шийдэл” аян хэрэ...
-
Цаг үе2021/10/27
Дархлаажуулалтын цэгүүд 17 цаг хүртэл ажиллана